კომპანიის შესახებ

Construction Machinery Georgia - “თეგეტა ჰოლდინგის” შვილობილი კომპანიაა, რომელიც დაარსდა 2022 წელს და არის საგზაო-სამშენებლო საერთაშორისო პრემიუმ-ბრენდების ოფიციალური წარმომადგენელი. CMG გთავაზობთ გერმანული ბრენდის LIEBHERR-ის ექსკავატორებს, ამწეებსა და სამთო სატვირთოებს, როგორც საქართველოში, ასევე სომხეთში.  კომპანიის პორტფელში ასევე შედის იტალიური ბრენდი Berco და უმსხვილესი ფრანგული ჯგუფის, FAYAT GROUP-ის წევრი კომპანიები, BOMAG და MARINI.

LIEBHERR არის სამშენებლო, სამთო-მომპოვებელი და სხვა ინდუსტრიების ტექნიკის მწარმოებელი გლობალური ლიდერი. პირველმა მობილურმა კოშკურა ამწემ მას სწრაფი პოპულარობა მოუტანა, ხოლო ინოვაციებისა და მაღალი ხარისხისადმი ერთგულებამ განაპირობა კომპანიის სწრაფი წარმატება. LIEBHERR აწარმოებს ექსკავატორებს, ამწეებს, სამთო სატვირთოებს, ასევე ავიაკოსმიურ და სატრანსპორტო სისტემებს. ბრენდი ოპერირებს 50-ზე მეტ ქვეყანაში, ფოკუსირებულია მდგრად განვითარებასა და მომხმარებელზე ორიენტირებულ მიდგომებზე, რაც მას სანდო პარტნიორად აქცევს მსოფლიოს მასშტაბით.

BOMAG არის გერმანული საგზაო ტექნიკის მწარმოებელი, რომელმაც პოპულარობა მოიპოვა ორ დოლურიანი სატკეპნით. კომპანია აწარმოებს გრუნტის სატკეპნებს, ასფალტ-დამგებს, ფრეზებსა და სხვა ინფრასტრუქტურულ ტექნიკას. BOMAG ოპერირებს 150 ქვეყანაში და გთავაზობთ საგზაო-სამშენებლო სამუშაოებისთვის ტექნიკის ფართო არჩევანს. იგი ფოკუსირებულია მდგრადობასა და ტექნოლოგიურ ინოვაციებზე, მათ შორის ჭკვიან ტექნიკაზე, რომელიც უზრუნველყოფს ტელემატიკურ მონიტორინგსა და ეკოლოგიურად სუფთა მუშაობას. სანდოობისა და ეფექტიანობის წყალობით, BOMAG აგრძელებს სამშენებლო ტექნიკის ინდუსტრიის განვითარებას.

MARINI არის იტალიური ბრენდი, რომელიც 1899 წლიდან სთავაზობს მომხმარებელს ასფალტის, ცივი ასფალტის, ემულსიისა და პოლიმერული ბიტუმის ქარხნებს. კომპანია გამოირჩევა ინოვაციებით, მაღალი ხარისხითა და ეკოლოგიური პასუხისმგებლობით. თანამედროვე ტექნოლოგიების გამოყენებით, მათ შორის ენერგოეფექტური და ემისიების კონტროლის სისტემებით, კომპანია უზრუნველყოფს მდგრად და ხარჯ-ეფექტურ გადაწყვეტებს საგზაო სამშენებლო პროექტებისთვის. დღეისათვის კომპანიას 3000-ზე მეტი ასფალტის ქარხანა აქვს რეალიზებული.

Construction Machinery Georgia-ს კიდევ ერთი იტალიური ბრენდი BERCO სპეციალიზდება მძიმე ტექნიკის სავალი ნაწილის სისტემებისა და კომპონენტების წარმოებაში. იგი აწარმოებს მაღალი გამძლეობის ნაწილებს სამშენებლო, სამთო და სასოფლო-სამეურნეო ტექნიკისთვის, რაც უზრუნველყოფს ეფექტიან და უწყვეტ მუშაობას. მაღალი ხარისხის მასალებით შექმნილი ნაწილები ზრდის ტექნიკის ეფექტიანობასა და სანდოობას.

CMG გთავაზობთ სპეცტექნიკის ფართო არჩევანს ინფრასტრუქტურული პროექტებისთვის, რაც საშუალებას მოგცემთ სრულად დაფაროთ საგზაო-სამშენებლო სამუშაოების ციკლი. გარდა ამისა, საჭიროების შემთხვევაში, შეგეძლებათ უმოკლეს ვადებში მიიღოთ შესაბამისი სერვისი, რაც განაპირობებს შეუფერხებელ მუშაობას.