კატეგორიები
გაეცანით Bauma-ს წარმატების ისტორიას
გაზაფხულის გამოფენა-გაყიდვა გაიმართა 1954 წელს
Bauma-ს წარმატების ისტორია იწყება 1954 წელს სამშენებლო ტექნიკის გაზაფხულის გამოფენით. გამოფენა-გაყიდვა, რომელიც იმ დროისთვის ჯერ კიდევ პატარა იყო, ყოველწლიურად იმართებოდა Theresienhöhe რაიონში, მიუნხენის შუაგულში. გამოფენის 58 მონაწილე თავიანთ პროდუქტს წარმოადგენდა 12 000 კვ.მ.-ზე 9 დღის განმავლობაში და გამოფენას სტუმრობდა 8000-მდე დამთვალიერებელი. გამოფენა-გაყიდვა ფოკუსირდება მეორე მსოფლიო ომის შემდეგ, რთული სამშენებლო სამუშაოების სპეცტექნიკით გამარტივებასა და ძალისხმევის შემცირებაზე. 1956 წელს, პირველი გამოფენა-გაყიდვიდან ორი წლის შემდეგ, Liebherr წარმოდგენილია, როგორც გამოფენის ერთ-ერთი მონაწილე. კომპანიის დაარსებიდან მხოლოდ ხუთი წლის შემდეგ უკვე შეუძლია სამშენებლო ტექნიკის შთამბეჭდავი ასორტიმენტის გამოფენა. გარდა კოშკურა ამწეებისა, Liebherr წარმოადგენდა L 300-ს, ერთ-ერთ პირველ ჰიდრავლიკურ ექსკავატორს ევროპაში.
გამოფენით დაინტერესება იმდენად დიდი იყო, რომ ვიზიტორების რიცხვი საგრძნობლად იზრდება 1957 წლისთვის. 1959 წელს გამოფენა-გაყიდვას ეწოდა "გერმანული სამშენებლო ტექნიკის გამოფენა", რადგან გერმანულ სამშენებლო მანქანებზე მოთხოვნა საზღვარგარეთ გაიზარდა. ამ დროისთვის 76 000 კვ.მ.-მდე გაფართოვდა საგამოფენო სივრცე, ხოლო მონაწილეების რაოდენობამ 320-ს მიაღწია.
წლებთან ერთად, კიდევ უფრო გაიზარდა დიდ სივრცეზე მოთხოვნა, შესაბამისად 1961 წელს გამოფენა-გაყიდვა გადავიდა Theresienwiese-ში და მოიცვა 180 000 კვ.მ. ფართობი. სულ რაღაც ერთი წლის შემდეგ, 1962 წელს Bauma გადადის Oberwiesenfeld-ში და საგამოფენო ფართობი კვლავ ფართოვდება 200 000 კვ.მ.-მდე.
Bauma Messe München-ის მმართველობაში გადადის
1967 წელს Bauma-ს გამოფენა-გაყიდვა Messe München-მა დააორგანიზა და ბოლოჯერ ჩატარდა Oberwiesenfeld-ში. ამის მიზეზი კი, 1972 წლის ოლიმპიური თამაშების სპორტული ობიექტების მშენებლობა გახდა. ხუთი წლის შემდეგ Bauma მთლიანად Messe München-ის მმართველობის ქვეშ გადადის.
1969 წელს გამოფენა-გაყიდვა ბრუნდება Theresienwiese-ში და მას შემდეგ ტარდება ყოველ ორ წელიწადში ერთხელ. ამ წელს გამოფენას ვიზიტორები 50 სხვადასხვა ქვეყნიდან სტუმრობს. Bauma 1971 წელს გადაიქცა სამშენებლო ტექნიკის მსოფლიოში უდიდეს გამოფენად: 20 ქვეყნის 824 მონაწილე თავიანთ პროდუქციას სწორედ აქ წარადგენს.
1975 წელს Bauma გაუქმდა გერმანელი წარმომადგენლების ზეწოლის გამო, რაც გამოწვეული იყო სამშენებლო ინდუსტრიის რეცესიით. 1977 წლიდან იმართება ყოველ სამ წელიწადში ერთხელ Intermat-ისა (საფრანგეთი) და Conexpo-ის (აშშ) მონაცვლეობით. ამ პერიოდში, 317 000 კვ.მ. საგამოფენო სივრცეში 963 მონაწილე წარადგენს საკუთარ სამშენებლო ტექნიკას და იზიდავს 135 000 სტუმარს 81 ქვეყნიდან.
გარემო ხდება მნიშვნელოვანი
1980-იან წლებში სამშენებლო ინდუსტრიაში, გარემოსდაცვითი ასპექტი სულ უფრო მნიშვნელოვანი ხდება, რადგან სამშენებლო ტექნიკა ხშირად გამოიყენება ურბანულ გარემოში. გამოფენა-გაყიდვის მუდმივი გაფართოების გამო, საგამოფენო სივრცე Theresienwiese აღწევს თავის ზღვრებს. სწორედ ამიტომ, გამოფენა იქ ბოლოჯერ 1995 წელს ჩატარდა, სანამ 1998 წელს Munich-Riem-ში გადავიდა. იქ ხელმისაწვდომი საგამოფენო სივრცე 30-ჯერ აღემატება სადებიუტო გამოფენის ტერიტორიის ფართობს.
2004 წელს შოუს დაემატა Bauma Mining, რამაც იგი სამშენებლო მასალების, სამშენებლო და სამთო ტექნიკის მსოფლიოს მასშტაბის გამოფენა-გაყიდვად აქცია. 500 000 კვ.მ. საგამოფენო სივრცით, Bauma არის უფრო დიდია, ვიდრე ოდესმე ყოფილა.
თავდაჯერებულობა გლობალური ეკონომიკური კრიზისის შემდეგ
გლობალური ეკონომიკური კრიზისიდან ერთი წლის შემდეგ, Bauma 2010 ხასიათდება მზარდი თავდაჯერებულობით. საგამოფენო სივრცე მოიცავს 555 000 კვ.მ.-ს. გამოფენის მონაწილეთა ნახევარს აქვს ეკონომიკური მდგომარეობის გაუმჯობესების იმედი. ამას ადასტურებს მონაწილე კომპანიების გაყიდვების რაოდენობა, რომელმაც გადააჭარბა მოლოდინებს. Liebherr-იც ხედავს აღმავლობის პირველ ნიშნებს გლობალური ეკონომიკური კრიზისის შემდეგ და ცდილობს არ გადაუხვიოს მიზნებს კრიზისის დროსაც კი.
2013 წელს გაიმართა Bauma-ს 30-ე საიუბილეო გამოფენა, რომელიც ხაზს უსვამს მის მყარ პოზიციას სამშენებლო ტექნიკისა და სამთო მწარმოებლების ინდუსტრიაში.
2022 წელს მსოფლიოში წამყვანი სამშენებლო და სამთო ტექნიკისა და მასალების გამოფენა-გაყიდვა კორონა ვირუსის პანდემიის გამო აპრილის ნაცვლად ოქტომბერში გაიმართება. მდგრადობა, მოწინავე ტექნოლოგიები, ციფრული სისტემები და ნულოვანი გამონაბოლქვისკენ სწრაფვა არის გამოფენის მთავარი და მნიშვნელოვანი თემები. Liebherr წარადგენს 70-ზე მეტ ექსპონატს 15 000 კვადრატული მეტრის საგამოფენო ფართობზე.
2022 წელს მსოფლიოში წამყვანი სამშენებლო და სამთო ტექნიკისა და მასალების გამოფენა-გაყიდვა კორონა ვირუსის პანდემიის გამო აპრილის ნაცვლად ოქტომბერში გაიმართება. მდგრადობა, მოწინავე ტექნოლოგიები, ციფრული სისტემები და ნულოვანი გამონაბოლქვისკენ სწრაფვა არის გამოფენის მთავარი და მნიშვნელოვანი თემები. Liebherr წარადგენს 70-ზე მეტ ექსპონატს 15 000 კვადრატული მეტრის საგამოფენო ფართობზე.
„თეგეტა ჰოლდინგის” შვილობილი კომპანია Construction Machinery Georgia დაარსდა 2022 წელს და არის წამყვანი ევროპული საგზაო-სამშენებლო ბრენდების ოფიციალური წარმომადგენელი. CMG-ის პორტფელი მოიცავს Liebherr-ს, Berco-სა და უმსხვილეს ფრანგულ ჯგუფში, FAYAT GROUP-ში, შემავალ BOMAG-სა და MARINI-ს.
...მეტის ნახვა
...მეტის ნახვა
დროა აირჩიო ხარისხი